♦मांगरूळ जवळील घटना
•लोकशस्त्र न्यूज नेटवर्क : मारेगाव
वणी-यवतमाळ राज्य महामार्गावरील मांगरूळ फाट्या नजीक दोन दुचाकीची समोरासमोर धडक झाल्याची घटना १९ फेब्रुवारी रोजी बारा वाजे दरम्यान घडली. यात दोन्ही दुचाकी चालक जखमी झाल्याची माहिती आहे.
गजानन गंगाराम तांडुलकर (४२) रा. आष्टोना ता.राळेगाव जि.यवतमाळ हे आपल्या दुचाकीने काही कामानिमित्त वणी येथे जात असताना गजानन विक्रम ढेंगळे (३७) रा.कोलगाव हे आपल्या दुचाकीने मारेगाव येथे येत असताना मांगरूळ फाट्यानजीक दोन दुचाकींची समोरासमोर धडक झाली.या धडकेत गजानन तांडुलकर एक गंभीर जखमी झाले असून दुचाकी वर असलेल्या त्यांच्या पत्नी किरकोळ जखमी झाल्या आहेत.
अपघात होताच तेथे उपस्थित असलेल्या नागरिकांनी अपघात स्थळी धाव घेत जखमींना मारेगाव येथील ग्रामीण रुग्णालयात प्रथमोपचारासाठी दाखल केले केले असता गंभीर जखमी असलेल्या गजानन तांडुलकर यांना पुढील उपचारार्थ यवतमाळ येथे हलविल्याची माहिती आहे.
