— प्रचंड प्रमाणात शहरी व ग्रामीण भागातील नागरिकांचा सहभाग
— लक्षवेधक ठरली प्रचार रॅली
लोकशस्त्र न्युज नेटवर्क/मारेगाव
बुधवार ता.६ नोव्हेंबर रोजी संजय खाडे यांनी रंगनाथ स्वामी मंदिरात हजारो नागरीक, काँग्रेस कार्यकर्ते तथा शिवसेनेचे (उबाठा) माजी आमदार विश्वास नांदेकर तथा तीनही तालूका प्रमुखांनी राजीनामा देवुन संजय खाडे यांना सक्रीय पाठींबा दर्शवीला असल्याने हजारो शिवसैनिक उपस्थित होते. यावेळी शहरी व ग्रामीण भागातील नागरिक सहभागी झाले होते त्यामुळे संजय खाडे यांची ही प्रचार रॅली लक्षवेधक ठरली.
विधानसभा निवडणुकीचा कार्यक्रम जाहीर झाल्यानंतर नामनिर्देशन पत्र मागे घेण्याच्या तारखेपर्यंत संजय खाडे नामनिर्देशन मागे घेणार का हाच विषय सर्वच पक्षांना धडकी भरवणारा होता. परंतू संजय खाडे यांनी सर्वच तळागाळातील कार्यकर्त्यापासून तर दिग्गज नेत्यांच्या भेटी अंती खाडे यांनी नामनिर्देशन कायम ठेवले. त्यामुळे आता खऱ्या अर्थाने अनेकांना धडकी बसल्याचे चित्र दिसून येत आहे.
दरम्यान ता.६ नोव्हेंबर रोजी सकाळी १०.३० वाजता संजय खाडे यांनी रंगनाथ स्वामी मंदिरात पूजा करीत प्रचाराचा नारळ फोडला. यावेळी माजी आमदार विश्वास नांदेकर, काँग्रेसचे जेष्ठ नेते नरेंद्र पाटील ठाकरे, जनहित कल्याण संघटना संस्थापक अध्यक्ष गौरीशंकर खुराणा, प्रमोद वासेकर, राजाभाऊ पाथ्रडकर, संजय आवारी, सरपंच तुळशीराम कुमरे, उपसरपंच प्रफूल विखनकर, उपस्थित होते.
प्रचाराचा नारळ फुटल्यानंतर हजारो समर्थक महिला पुरुषांच्या लक्षवेधक रॅलीला सूरवात झाली. यावेळी समर्थकांनी वाजवलेल्या शिट्टीने वणीकरांचे लक्ष वेधले. जैताई मंदिर येथे मार्चची सांगता झाली. त्यानंतर भांदेवाडा येथे संपूर्ण ताफा रवाना झाला. भांदेवाडा येथील विदेही सदगुरू श्री जगन्नाथ महाराज संस्थान येथे संजय खाडे यांनी नारळ फोडून ग्रामीण भागातील प्रचाराचा शुभारंभ झाल्याचे जाहिर केले.
भांदेवाडानंतर संजय खाडे व समर्थकांनी वनोजा देवी, घोगुलधरा, वेगाव, वरझडी येथे जाऊन दर्शन घेतले. दरम्यान या मार्गावरील गावांना ताफ्याने भेट देत नागरिकांशी संवाद साधला. प्रचार शुभारंभ कार्यक्रमाला काँग्रेसचे कार्यकर्ते तसेच माजी आमदार विश्वास नांदेकर यांचे समर्थक उपस्थित होते. मार्चमध्ये महिलांचा सहभागही मोठ्या प्रमाणात होता.
विधानसभेत वाजणार शिट्टी – संजय खाडे
माझी उमेदवारी जाहीर केल्यानंतर गावखेड्यातील कार्यकर्ते कामाला लागले आहेत. अनेक सामाजिक संघटना, संस्था मला पाठिंबा देत आहेत. काँग्रेसचे जवळपास अर्धे अधिक कार्यकर्ते व नेते यांनी मला पाठिंबा दिला आहे. आजच्या रॅलीत देखील मोठ्या प्रमाणात वणी, मारेगाव व झरी तालुक्यातील काँग्रेस कार्यकर्ते उपस्थित होते. अनेक शिवसैनिकही रॅलीत सहभागी होते. हा पाठिंबा पाहून यंदा वणी विधानसभा क्षेत्रात शिट्टी वाजणार हे नक्की आहे.
— संजय खाडे, अपक्ष उमेदवार.
