– राज्य महामार्गावरील घटना
लोकशस्त्र न्युज नेटवर्क : मारेगाव
वणी-यवतमाळ राज्य महामार्गावर इंडियन पेट्रोल पंपानजीक ट्रकच्या धडकेत पादचारी इसम ठार झाल्याची घटना १३ जून रोजी रात्री ९:३० वाजेदरम्यान घडली.ट्रकने पादचारी इसमास धडक देताच ट्रक रस्त्याच्या दुसऱ्या बाजूला पलटी झाला.
सुरेश विश्वनाथ पारखी (४०) रा.मारेगाव असे अपघातात ठार झालेल्या इसमाचे नाव असून ते मांगरूळ येथील काही काम आटपुन रात्री मारेगाव येथे आपल्या स्वगृही पायदळ परत येत होते.
दरम्यान १३ जुन रोजी रात्री ९:३० वाजता वणी-यवतमाळ राज्य महामार्गावरील इंडियन पेट्रोल पंपानजीक नजीक मागाहून कोळसा भरून येत असलेल्या ट्रकने सुरेश यांना जबर धडक दिली.यात ते गंभीर जखमी झाले.धडक देताच ट्रक रस्त्याच्या दुसऱ्या बाजूला पलटी झाला.
रस्त्यावरून ये-जा करणाऱ्या काही नागरिकांनी सुरेश यांना प्राथमिक उपचाराकरिता मारेगाव येथील ग्रामीण रुग्णालयात दाखल केली असता प्रकृती गंभीर असल्याने त्यांना पुढील उपचारार्थ चंद्रपूर येथे हलविण्यात आले असता उपचारादरम्यान रात्री बारा वाजता त्यांची प्राणज्योत मालवली.
मृत सुरेश यांचे पश्चात आई, वडील, पत्नी व एक मुलगा असुन त्याचे असे अवेळी जग सोडून गेल्याने परिसरात हळहळ व्यक्त होत आहे.
