– साई मित्र परिवाराचा पुढाकार
लोकशस्त्र न्युज नेटवर्क : मारेगाव
दोन दिवसीय गुरूपोर्णिमा पर्वावर साई मित्र परिवाराच्या पुढाकारातून ता.२ जुलै रोजी सकाळी ११ ते सायंकाळी ४ वाजेदरम्यान स्थानिक जगन्नाथ महाराज मंदिरात साई मित्र परिवार यांचे पुढाकारातून महारक्तदान शिबिर तथा रात्री ७ ते १० वाजेपर्यंत प्रख्यात युवा व्याख्याते यांच्या व्याख्यानाचे आयोजन करण्यात आले आहे.
सलग १३ वर्षांपासून साई मित्र परिवार अनेक सामाजिक, धार्मिक कार्यक्रम राबवत असुन कोरोना काळात साई मित्रपरिवाराचे वतीने गरजुंना सामाजिक बांधिलकी जपत मदतीचा हात पुढे केला.
सोबतच सलग तेरा वर्षापासुन रुग्णांना रक्ताची कमतरता भासु नये यासाठी रक्तदान शिबिराचे आयोजन करण्यात आले. पुढेही ही परंपरा कायम रहावी यासाठी ता. २ जुलै रोजी गुरूपोर्णिमेच्या पावन पर्वावर, वसंतराव नाईक शासकीय रक्तपेढी यवतमाळ च्या सौजन्याने, स्थानिक जगन्नाथ महाराज मंदिरात सकाळी ११ते दुपारी ४ वाजेपर्यंत रक्तदान शिबिराचे आयोजन करण्यात आले आहे.
याच दिवशी रात्री ७ ते १० वाजेपर्यंत प्रख्यात युवा व्याख्याते सोपान दादा कनेरकर यांचे छत्रपती शिवाजी महाराज यांची अविस्मरणीय गाथा व आई-वडीलांची पुण्याई या विषयावर व्याख्यान होणार असु ता. ३ जुलै रोजी महाप्रसाद व शोभायात्रेचे आयोजन करण्यात आले आहे.
व्याख्यान, महाप्रसाद व शोभायात्रेला मोठ्या संख्येने उपस्थित राहुन रक्तदात्यांनी रक्त दान करण्याचे आवाहन साई मित्र परिवाराच्या वतीने करण्यात आले आहे.
रक्तदात्यांना आवाहन
अनेक भयंकर आजाराच्या शस्त्रक्रिया, थॅलेसेमिया, अपघातग्रस्त, सिकलसेल यासारख्या रुग्णांना मोठ्या प्रमाणात रक्ताची गरज भासत असल्याने तालुक्यातील जनतेनी रक्तदान करावे.
साई मित्र परिवार, मारेगाव.
