– अण्णाभाऊ साठे यांच्या जयंतीचे औचित्य
– मादगी समाजाचे आयोजन
लोकशस्त्र न्युज नेटवर्क : मारेगाव
लोकशाहीर अण्णाभाऊ साठे यांच्या जयंतीचे औचित्य साधुन उपविभागातील वणी, मारेगाव ,झरी परिसरातील इयत्ता १०, १२ वी तसेच इतर परीक्षांत विशेष प्राविण्य मिळविलेल्या विद्यार्थ्यांच्या गुणगौरव सोहळ्याचे आयोजन ६ ऑगस्ट रोजी दुपारी १२ वाजता ‘मादगी बहुउद्देशीय संस्था’ यांचे वतीने वणी येथील वसंत जिनिंग अँड प्रेसिंग फॅक्टरी हॉल येथे करण्यात आले आहे.
मादगी समाजाच्या वतीने ६ ऑगस्ट रोजी आयोजित विद्यार्थी गुणगौरव सोहळ्याच्या सत्कार समारंभाचे अध्यक्ष चरणदास कोंडावार (माजी नायब तहसीलदार),उद्घाटक सुनिल मिद्दे (महासचिव मोची, मादगी, मादरु, मादिगा,महासंघ (M4) तर प्रमुख मार्गदर्शक म्हणून गणेश किंद्रे (उपविभागीय पोलीस अधिकारी, वणी) व प्रा. डॉ.करमसिंग राजपुत (अर्थशास्त्र विभाग प्रमुख, लो.टी. महा. वणी) तसेच प्रमुख पाहुणे म्हणून मा.एड. गजानन अंबलवार (LLB, LLM),अधिवक्ता नागपुर उच्च न्यायालय व मुरलीधर लाटेलवार (उपकोषाध्यक्ष मोची, मादगी,मादरु,मादिगा, महासंघ (M4)) हे असणार आहे.
वणी उपविभागात पहिल्यांदाच हा गुणवंत विद्यार्थी गुणगौरव व विद्यार्थी मार्गदर्शन सोहळा मादगी समाजाचा वतीने संपन्न होत आहे.परिणामी समस्त पालकांनी व विद्यार्थ्यांनी उपस्थित राहण्याचे आवाहन समितीचे अध्यक्ष निलेश परगंटीवार,उपाध्यक्ष चरणदासजी कोंडावार,सचिव सुरज चाटे,सहसचिव रवि कोमलवार,कोषाध्यक्ष नथ्थुजी नगराळे,प्रकाश तालावार ,राकेश शंकावार, अरुण एनपल्लीवार, विक्की पगंटीवार,विजय कंडेवार, शिवकुमार नलभोगे, प्रभाकर लिक्केवार, कैलास पौन्नलवार , नागेश मोहर्ले यांनी केले आहे.
