– महाविद्यालयाच्या शिरपेचात मानाचा तुरा
लोकशस्त्र न्युज नेटवर्क : मारेगाव
स्थानिक कला, वाणिज्य व विज्ञान महाविद्यालयाचे ता. २६ व २७ सप्टेंबर रोजी राष्ट्रीय मूल्यांकन व मान्यता काऊन्सिल बेंगलोरच्या कमिटीद्वारे मूल्यांकन करण्यात आले.सदर मूल्यांकनात महाविद्यालयास सायकल दोन मध्ये ४ पैकी २.९ CGPA मिळाले.सोबतच जिल्ह्यातील सर्वच तालुक्यामध्ये अव्वल स्थान मिळाले व बी प्लस प्लस दर्जा प्राप्त झाला.
मूल्यांकनात महाविद्यालयाला मागील पाच वर्षांतील अचिवमेंट्स आणि उत्कृष्ठ डॉक्युमेंट्रीला ४ पैकी ३.०९ CGPA सहीत अ दर्जा प्राप्त झाला. कमिटीद्वारे २.७१ CGPA प्राप्त झाले.
देशातील ५६२०५ हायर एज्युकेशन ईन्स्टिट्यूटस पैकी केवळ ८५० ईन्स्टिट्यूटला सदर ग्रेड प्राप्त करता आले.त्यापैकी काही वरच्या स्थानी असलेल्या इन्स्टिट्यूट मध्ये हे महाविद्यालय आहे.
महाविद्यालयाला मिळालेला हा बहुमान नक्कीच ३३ वर्षापासून याच महाविद्यालयात कार्यरत असलेले प्राचार्य प्रा. डॉ.अविनाश घरडे यांचे व्हिजन, मेहनत, हार्डवर्क, डिवोशन आणि डेडिकेशनला जाते. २०१४ पासून ॲक्टिव आणि तप्तर पणे महविद्यालयाच्या इंटर्नल क्वालिटी असुरन्स सेल्सचे कॉरडीनेटर डॉ. एन. आर. पवार चे कार्य मूल्यांकनासाठी अतिशय मोलाचे ठरले.
महाविद्यालयाचे प्राचार्य डॉ. अविनाश घरडे, इंटर्नल क्वालिटी असुरन्स सेल्सचे कॉरडीनेटर प्रा. डॉ. एन. आर. पवार, इंटर्नल क्वालिटी असुरन्स सेल्सचे सल्लागार प्रा. डॉ.दिनेश गुंडावार आणि महाविद्यालयाचे सर्व प्राध्यापक व कर्मचारी बंधू यांनी मुल्यांकनासाठी अथक परिश्रम घेतले .
संस्थेचे अध्यक्ष जीवन पाटील कापसे, उपाध्यक्ष नानाजी पाटील खंडाळकर, सचिव सुधीरभाऊ दामले, सहसचिव ॲड.भास्करराव ढवस, ज्येष्ठ सभासद आणि मार्गदर्शक नरेंद्र पाटील ठाकरे यांनी महाविद्यालयाची प्रगती आणि दर्जा दिवसेंदिवस वाढत असून ते राष्ट्रीय स्थरापर्यंत पोहचले असे मत व्यक्त केले व त्यांनी प्राचार्य प्रा. डॉ. अविनाश घरडे, सर्व प्राध्यापक आणि कर्मचारी वृंदांचे अभिनंदन केले व पुढील वाटचाल आणि निरंतर प्रगतीसाठी शुभेच्छा दिल्या.
