‘त्या’ अपघातातील जखमी वकिलांचा मृत्यू

– रान डुक्कर आडवे आल्याने झाला होता अपघात
– कुटुंबासह मित्र परिवारावर शोककळा

लोकशस्त्र न्युज नेटवर्क : मारेगाव

वणी – यवतमाळ राज्य महामार्गावरील मंगरूळ नजीक पवनसुत नर्सरी येथे दुचाकीला रानडुक्कर आडवे आल्याने दुचाकी स्वार वकील जखमी झाल्याची घटना चार मे रोजी सायंकाळी साडेचार वाजे दरम्यान घडली होती.

सतीश जगन्नाथ नांदेकर (४५) रा.वणी हे पांढरकवडा येथील न्यायालयातून वणी येथे परतीच्या प्रवासात असता मांगरूळ नजीक पवनसुत नर्सरी जवळ अचानक डुकर आडवे आल्याने त्यांचे दुचाकीवरील नियंत्रण सुटून ते रस्त्याच्या कडेला कोसळले होते. यात त्यांच्या डोक्याला व पायाला मार लागून ते गंभीर जखमी झाले होते.

दरम्यान रस्त्यावरील ये-जा करणाऱ्या नागरिकांनी सतीश यांना प्रथमोपचारा करिता मारेगाव येथील रुग्णालयात दाखल केले असता प्रकृती चिंताजनक असल्याने पुढील उपचारार्थ सतीश यांना चंद्रपूर येथील पोतदार रुग्णालयात हलविण्यात आले असता आज पहाटे पाच वाजे दरम्यान त्यांची प्राणज्योत मालवली.

सतीश यांचे जाण्याने मारेगाव ,वणी सह पांढरकवडा येथील न्यायालयीन कामकाजावर परिणाम होणार असल्याचे त्यांचे मित्रमंडळी कडून सांगण्यात आले आहे.

सतीश यांचे पश्चात आई वडील तसेच बराच मोठा मित्रपरिवार आहे.