– पवनी येथील विदर्भ स्तरीय कराटे स्पर्धा
लोकशस्त्र न्युज नेटवर्क : मारेगाव
पवनी जि.भंडारा येथे २ जुलै रोजी पार पडलेल्या प्रहार चषक विदर्भस्तरीय कराटे स्पर्धांत येथील स्कॉलर्स इंटरनॅशनल स्कूलच्या विद्यार्थ्यांनी सुवर्ण पदकास गवसणी घातली. परिणामी चिमुकल्यांचे सर्वत्र कौतुक होत आहे.
नुकत्याच २ जुलै रोजी पवनी जि.भंडारा येथे प्रहार चषक विदर्भ स्तरीय कराटे स्पर्धा थाटात पार पडल्या.यात मारेगावातील स्कॉलर्स इंटरनॅशनल स्कूलच्या विद्यार्थ्यांनी घवघवीत यश संपादन केले.
यात रुद् दुधकोहळे (गोल्ड मेडल), अविष्का बिडकर (सिल्वर मेडल),भूमिका मस्की (सिल्वर मेडल), दिशा गाडगे (सिल्वर मेडल), साई फुरकुटे (सिल्वर मेडल), अंशू जंगेवार (ब्रांज मेडल), कार्तिक माफुर (ब्रांज मेडल), शुभ टेकाम (सिल्वर मेडल), संदेश माफुर (सिल्वर मेडल), ऋतिक माफुर (ब्रांज मेडल) मिळवत चिमुकल्यांनी दैदिप्यमान कामगिरी केली.
सर्व चिमुकल्यांनी आपल्या यशाचे श्रेय आई-वडील, स्कॉलर्स इंटरनॅशनल स्कूलचे प्राचार्य, शिक्षक यांचेसह शोतोकान कराटे क्लासेसचे मुख्य प्रशिक्षक संतोष राठोड (ब्लॅक बेल्ट) यांना दिले. चिमुकल्यांच्या या ‘सुवर्ण’ यशाने सर्व स्तरातून त्यांचे कौतुक होत आहे.
