– सायकल रॅलीतून दिला पर्यावरण जोपासण्याचा संदेश
लोकशस्त्र न्युज नेटवर्क : मारेगाव
आज जागतिक सायकल दिनानिमित्त मारेगाव न्यायालय तर्फे पाच किलोमीटर सायकल रॅली काढण्यात आली.वाहनांमुळे प्रदूषण व आरोग्य बिघडत असल्याचे सर्वत्र दिसत आहे. सायकल चालविण्याचे महत्त्व आणि फायदे आता मानवाला कळत आहे. यामुळे दरवर्षी तीन जून ला जागतिक सायकल दिवस साजरा करण्यात येतो.
यानिमीत्ताने मारेगाव न्यायालय तर्फे आज सायकल रॅली काढण्यात आली.रॅली मध्ये कर्मचारी वर्ग, वकील मंडळी, पोलीस बंधू व विधी स्वंयसेवक यांनी उत्स्फूर्त सहभाग घेतला.
सायकल हे निर्धुर वाहन असल्याने त्यामुळे हवेचे प्रदूषण होत नाही. जागतिक स्तरावरील पर्यावरण प्रश्न वाढता असल्याने सायकल चालवून हवेचे प्रदूषण कमी करण्याचा जागतिक पातळीवरील महत्वाचा संदेश या दिवशी दिला जातो
प्रारंभी मारेगाव न्यायालयाचे न्यायाधीश निलेश प्रभाकर वासाडे यांनी सायकल चालविण्याचे महत्त्व सांगितले. ते दररोज सात किलोमिटर सायकल चालवत असून सर्वांनी सायकल चालविण्याची आरोग्यदायी सवय आत्मसात करावी असे त्यांनी यावेळी आवाहन केले.यानंतर न्यायालय ते मांगरूळ गाव पर्यंत जाऊन ही रॅली परत न्यायालय मध्ये आली. रॅलीत जनजागृतीच्या घोषणा देण्यात आल्या.
या रॅली मध्ये मारेगाव न्यायालय चे न्यायाधिश निलेश प्रभाकर वासाडे, ऍड. मेहमूद पठाण, ऍड.करिश्मा किन्हेकार,ऍड. रुनाली गाणार, ऍड.मेघा कोडपे ,ऍड.काजल शेख, कर्मचारी पांडुरंग वासाड, सूरज टेंभरे, प्रणय बूजाडे, अशोक कोरडे,नागेश रायपुरे, विधी स्वंयसेवक विवेक बोबडे,राजू घुमे, पोलीस जमादार नितीन खांदवे, ताजने, शंकर बारेकर,शिपाई पवन राऊत, मोसिम शेख, नंदू झोडे, मोरेश्वर कणकुंटवार,चेतन गेडाम यांनी सहभाग घेतला.
