– इच्छुकांनी लाभ घेण्याचे आवाहन
लोकशस्त्र न्युज नेटवर्क : मारेगाव
मारेगाव तालुक्यातील ST संवर्गातील १८ ते ४५ या वयोगटातील बेरोजगार युवक व युवतीं करीता महाराष्ट्र उद्योजकता विकास केंद्र यांचे द्वारे आयोजित व जिल्हा उद्योग केन्द्र, यवतमाळ पुरस्कृत निशुल्क संगणक डीटीपी प्रशिक्षणाचे आयोजन कुमार टायपिंग इन्स्टिट्यूट,मारेगाव येथे करण्यात आले आहे.ईच्छुकांनी लाभ घेण्याचे आवाहन आयोजकांनी केले आहे.
एकविसावे हे शतके विज्ञान- तंत्रज्ञानाचे व संगणकाचे युग आहे असे म्हटले.संगणकाबद्दलचे ज्ञान अद्ययावत राहुन बेरोजगार युवक युवतींना रोजगार मिळावा या अनुषंगाने महाराष्ट्र उद्योजकता विकास केंद्र यांचे द्वारे आयोजित व जिल्हा उद्योग केन्द्र, यवतमाळ पुरस्कृत संगणक डीटीपी प्रशिक्षणाचे आयोजन कुमार टायपिंग इन्स्टिट्यूट,मारेगाव येथे ३ जुनं पासुन करण्यात आले आहे.
सदर निशुल्क प्रशिक्षणाचा कालावधी हा एक महीण्याचा राहणार असुन ST प्रवर्गातील १८ ते ४५ वयो गटातील महिला व पुरुष दोघांनाही या प्रशिक्षणाचा लाभ घेता येणार आहे. प्रशिक्षण कालावधी पूर्ण केल्यानंतर प्रत्येक प्रशिक्षणार्थ्यास प्रमाणपत्र व स्टायफंड म्हणून एक हजार रुपये दिले जाणार आहे.
प्रकल्प अधिकारी MCED यवतमाळ व मारेगाव तालुका समन्वयक कैलास दुधकोहळे (८८०६७२११३३) यांनी गरजूंना सदर प्रशिक्षणाचा लाभ घेण्याचे आवाहन केले आहे.
