– वादळी वाऱ्यासह, विजेच्या कडकडाटात जोरदार अवकाळी पाऊस
– काही ठिकाणी किरकोळ नुकसान
लोकशस्त्र न्युज नेटवर्क : प्रफुल्ल ठाकरे
एकीकडे तापमानात दिवसेंदिवस वाढ होऊन उन्हाचे चटके बसत असताना काल (ता.२६) वातावरणात कमालीचा बदल होत शहरासह परिसरात वादळी वाऱ्यासह, विजेच्या कडकडाटात जोरदार अवकाळी पाऊस कोसळला.
गेल्या काही दिवसा पासून शहरासह परिसरात अवकाळीची ये-जा अखंडित सुरू आहे.एकीकडे तापमानात दिवसेंदिवस वाढ होत असताना दुसरीकडे अवकाळीच्या सरी रोजच कोसळत असल्याने दुहेरी संकट ओढवले असल्यागत भास होतो आहे.
दरम्यान काल (ता.२६) रात्री शहरासह परिसरात वादळी वाऱ्यासह विजेच्या कडकडाटात जोरदार अवकाळी पाऊस बरसला.तुर्तास परिसरात मोठे नुकसान झाल्याची माहिती नसली तरी काही ठिकाणी किरकोळ नुकसान झाले आहे.
आज पुनश्च अवकाळीचा अंदाज असून नागरिकांनी विशेषतः शेतकरी बांधवांनी सजग राहुन शेतीच्या कामांचे नियोजन करण्याची आवश्यकता आहे.
