– मारेगाव तालुक्यातील घटना
लोकशस्त्र न्युज नेटवर्क : मारेगाव
वणी-यवतमाळ राज्य महामार्गावरील मांगरूळ नजीक एका भरधाव कारने दुचाकीला मागून जबर धडक दिली.यात दुचाकीस्वार गंभीर जखमी झाल्याची घटना २० जुलै रोजी दुपारी १२ वाजेदरम्यान घडली.
प्रमोद नानाजी पाचभाई (४२) रा.कुचना ता.वरोरा जि.चंद्रपुर असे अपघातात गंभीर जखमी झालेल्या दुचाकी स्वाराचे नाव आहे.तर मागे बसलेली त्यांची मुलगी राधा प्रमोद पाचभाई (१०) असे अपघातात किरकोळ जखमी असलेल्या त्यांचे मुलीचे नाव आहे.
दरम्यान प्रमोद हे आपल्या दुचाकीने (क्र. एम.एच.३४ . ६३७१) काही कामानिमित्त मांगरूळ येथे गेले असता स्वगृही परतीच्या प्रवासात असताना वणी-यवतमाळ राज्य महामार्गावरील मांगरूळ बस थांब्या नजीक त्यांचे दुचाकीस मागून येणाऱ्या कारने (क्र.एम.एच.४९ बी. २४१६) जबर धडक दिली.यात प्रमोद हे गंभीर जखमी झाले.तर राधा ही किरकोळ जखमी झाली.
अपघात होताच काही नागरिकांनी अपघात स्थळी धाव घेत जखमी प्रमोद यांना मारेगाव येथील ग्रामीण रुग्णालयात दाखल केले. प्रकृती गंभीर असल्याने प्रमोद यांना पुढील उपचारार्थ चंद्रपूर येथे हलविल्याची माहिती आहे.
