– कोतवाल संघटनेचे जिल्हाधिकाऱ्यांना निवेदन
लोकशस्त्र न्युज नेटवर्क : मारेगाव
मारेगाव येथील तहसील कार्यालयात पगार बिला विषयी माहिती घेण्या करिता गेले असता संबंधित लिपिका कडून तुच्छतेची वागणूक दिली जात असल्याने कोतवाल आस्थापना बदली करुन मिळणे बाबतचे निवेदन ता.नऊ मे रोजी मारेगाव कोतवाल संघटनेने जिल्हाधिकाऱ्यांना दिले होते.
त्या अनुषंगाने येथील आस्थापना लिपीक प्रवीण घोडे यांचेवर कारवाई करण्यात आली असता सदर निवेदन हे प्रवीण घोडे यांचेसाठी नसुन प्रभारी लिपिक सौ.कांबळे यांचेसाठी होते.
दरम्यान प्रवीण घोडे यांचेवर करण्यात आलेली कारवाई मागे घेण्यात यावी अशा आशयाचे निवेदन ता.११ मे रोजी मारेगाव कोतवाल संघटनेतर्फे जिल्हाधिकाऱ्यांना देण्यात आले.
यावेळी राज्य कोतवाल संघटनेचे माजी जिल्हाध्यक्ष शशिकांत निमसटकर यांचेसह व्ही.एम.मडावी,गणेश भट,कोवे उपस्थित होते.
