– ‘ते’ चारही संशयित आरोपी मारेगाव पोलीसांच्या ताब्यात
लोकशस्त्र न्यूज नेटवर्क : मारेगाव
नवरगाव येथील डॉ.हाजरा यांना शस्त्राच्या धाकावर नाचवत १३ मार्च रोजी अज्ञात आरोपींनी चार लाख रुपयांची लूट करुन पोबारा केला होता.या घटनेने शहरात प्रचंड खळबळ माजली होती.घटनेच्या दुसऱ्याच दिवशी एका वेगळ्या प्रकरणाशी निगडित आदिलाबाद पोलिसांनी काही आरोपींना अटक केली होती.त्या संशयित आरोपींची लिंक सीने स्टाईल लूट प्रकरणाशी जुळून असल्याचे लक्षात येताच मारेगाव पोलिसांकडून “त्या” संशयित आरोपींना ताब्यात घेण्याच्या हालचालींना वेग आला होता.
दरम्यान घटनेला तब्बल अकरा दिवस उलटल्यावर ‘प्रोड्युस वॉरंट’ च्या आधारे ‘त्या’ संशयित आरोपींना कस्टडीत घेण्यास मारेगाव पोलीस काल आदिलाबाद येथे रवाना झाले असता आज सकाळी साडे अकरा वाजता “त्या” चारही संशयित आरोपींना मारेगाव येथे आणुन गजाआड करण्यात आले.
दरम्यान १३ मार्च रोजीच्या रात्री नवरगाव येथून मारेगाव येथे आपल्या घरी परत येत असताना राज्य महामार्गावरील नायरा पेट्रोल पंपाजवळ अज्ञात लूटारूंनी त्यांची स्कुटी अडवून चाकू व बंदुकीच्या धाकावर कारमध्ये बसवत अंगठी,चेनसह रोख असा ऐकुन ४ लाख रूपये कीमतीचा ऐवज लुटत डॉक्टर ला भर रस्त्यात सोडुन पोबारा केला होता.
प्रकरणाचे गांभीर्य लक्षात घेत आरोपींच्या शोधात मारेगाव पोलीस पथकाने चहुबाजूंचा परिसर पालथा घालन्यास सुरूवात केली होती.यात चंद्रपूर,वर्धा,आदिलाबाद सह आजूबाजूचा संपूर्ण परिसर पोलीस पथकाने पालथा घातला होता.
दरम्यान एका वेगळ्या प्रकरणाशी संबंधित काही आरोपींना आदिलाबाद पोलिसांनी ताब्यात घेतले असता एलसीबी व मारेगाव पोलीस यांच्या समन्वयाने “त्या”आरोपींची लिंक सिने स्टाईल लूट प्रकरणाशी निगडित असल्याचे लक्षात येताच गेल्या ११ दिवसापासून मारेगाव पोलिसांकडून “त्या” संशयित आरोपींना ताब्यात घेण्याचे प्रयत्न सुरू होते.
आदीलाबाद येथील आवश्यक बाबींची पूर्तता करून आज प्रोड्यूस वॉरंटच्या आधारे संशयित आरोपींना मारेगाव पोलिसांच्या स्वाधीन केले गेले असुन “त्या” चारही संशयित आरोपींनी सिनेस्टाईल लूट प्रकरणाची “कबुली अजून पावेतो दिली नसल्याने” गुन्हा कबूल केल्यानंतरच सिने स्टाईल लूट प्रकरणाचा ‘तिढा’ सुटणार आहे.
