– वणी-यवतमाळ राज्य महामार्गावरील घटना
लोकशास्त्र न्यूज नेटवर्क : मारेगाव
वणी-यवतमाळ राज्य महामार्गावर शहरातील तुळशीराम बार नजीक कार व ट्रकची जबर धडक झाल्याने कारचालक गंभीर जखमी झाल्याची घटना २५ मार्च रोजी सायंकाळी पाच वाजे दरम्यान घडली.अपघात होताच ट्रक चालक ट्रक सोडून अपघात स्थळावरून पसार झाला.
शुभम गोलर (२७) रा.वणी असे अपघातात गंभीर जखमी झालेल्या कार चालकाचे नाव असून तो आपल्या कार (क्र.एम.एच.३४ ए.ए.९४४५) काही काम करिता मारेगाव येथे आला असता वणी येथे परतीच्या प्रवासात असताना विरुद्ध दिशेने येणाऱ्या ट्रक (क्र.एम.एच.१६ सी.सी.५२५२) ने शहरालगत असलेल्या तुळशीराम बार जवळ कारला जबर धडक दिली.यात कारचालक गंभीर जखमी झाला.
अपघात होताच नागरिकांनी अपघात स्थळी धाव घेत जखमीला प्राथमिक उपचाराकरिता मारेगाव येथील ग्रामीण रुग्णालयात दाखल केले असता जखमीची प्रकृती गंभीर असल्याने जखमीला पुढील उपचारार्थ चंद्रपूर येथे हलविल्याची माहिती आहे.
