– मारेगाव तालुक्यातील घटना
लोकशस्त्र न्युज नेटवर्क : मारेगाव
शहरापासून अवघ्या काही अंतरावर असलेल्या इंडियन पेट्रोल पंपानजीक उभ्या ट्रकला दुचाकीने मागुन धडक दिल्याने दुचाकीस्वार इसम गंभीर जखमी झाल्याची घटना १३ मे रोजी रोजी रात्री आठ वाजे दरम्यान घडली.
विजय बोढे (४०) रा.शास्त्रीनगर वणी असे अपघातात गंभीर जखमी झालेल्या व्यक्तीचे नाव आहे.
दरम्यान १३ मे रोजी विजय हे आपल्या दुचाकीने काही कामानिमित्त मारेगाव येथे येत असता रात्री आठ वाजेदरम्यान वणी- यवतमाळ राज्य महामार्गावरील मारेगाव शहरापासून अवघ्या हाकेच्या अंतरावर असलेल्या इंडियन पेट्रोल पंपानजीक उभ्या ट्रकला त्यांचे दुचाकीने मागुन जबर धडक दिली. यात त्यांच्या डोक्याला व डोळ्याला मार लागून ते गंभीर जखमी झाले.
रस्त्यावरून ये – जा करणाऱ्या नागरिकांनी त्यांना प्राथमिक उपचाराकरिता मारेगाव येथील ग्रामीण रुग्णालयात दाखल केले असता प्रकृती चिंताजनक असल्याने त्यांना पुढील उपचारार्थ चंद्रपूर येथे हलविल्याची माहिती आहे.
