– वादळी वाऱ्यासह विजेचा कडकडाट
– प्रसिद्ध हवामान अंदाजक पंजाबराव डख यांचा अंदाज
लोकशस्त्र न्युज नेटवर्क : मारेगाव
गेल्या महिनाभरापासून अवकाळी ची उघडझाप तालुक्यात सुरू आहे.एकीकडे तापमानात दिवसेंदिवस वाढ होऊन उन्हाचे चटके बसत असताना ऊन-सावलीच्या खेळात ता.२८,२९ व ३० एप्रिल रोजी वादळी वाऱ्यासह विजेच्या कडकडाटात जोरदार अवकाळी पाऊस कोसळणार असल्याचा अंदाज प्रसिद्ध हवामान अंदाजक पंजाबराव डख यांनी वर्तविला आहे.
गेल्या महिनाभरा पासून शहरासह परिसरात अवकाळीची ये-जा अखंडित सुरू आहे.दिवसा ऊन व रात्री वादळी वारा अन वीजा त्यात अवकाळी अशी परिस्थिती तालुक्यात ओढवली आहे.यात शेतीकामांची पूर्ती वाट लागली असून शेतकरी हवालदिल झाला आहे.
दरम्यान ता.२८,२९ व ३० एप्रिल रोजी वादळी वाऱ्यासह विजेच्या कडकडाटात जोरदार अवकाळी पाऊस बरसणार असल्याचा अंदाज प्रसिद्ध हवामान अंदाजक पंजाबराव डख यांनी वर्तविला आहे.
नागरिकांनी विशेषतः शेतकरी बांधवांनी सजग राहुन शेतीच्या कामांचे नियोजन करण्याची आवश्यकता असुन आपल्या पशुधनाची योग्य काळजी घेण्याची गरज आहे.
पुढील तीन दिवस वादळी पाऊस, विजांचा कडकडाट होण्याची शक्यता असून वीज कोसळण्याच्या घटनाही घडणार आहेत.वादळी पावसामुळे पिकांचं नुकसान होण्याची शक्यताही वर्तवण्यात आली आहे. या अवकाळी पावसामुळे कच्ची घरे, भिंती आणि झोपड्यांचं नुकसान होण्याची शक्यताही वर्तवण्यात आली आहे.
